買飛

朋友在售票處工作
不時會有些趣怪顧客前來購票
以下是幾個較為有趣的例子：
職=售票處職員　　客=顧客

個案一
客：我想要最前o既飛
職：（指著座位表）咁就第一行啦
客：咁第一行係咪最前架喇!?

可能呢位客人曾經買過第一行飛
但第一行之前再有AA、AB至AZ
所以對「第一行=最前」深表懷疑

個案二
職：唔好意思，呢場只係剩番單丁位
客：咩係單丁位?
職：er......單丁位即係剩番一個一個位，你同朋友兩個唔可以坐埋一齊
客：咁三個人係咪可以坐埋一齊呢?

兩個人坐唔到埋一齊
點解三個就可以呢!?
個邏輯好麥嘜......

個案三
客：我想坐前o的

職：（指著座位表）咁不如第一行啦
客：唔......第一行太前喇
職：咁不如第二行
客：唔......第二行又太後
職：!!!!!!!!!!!!

第一行太前第二行太後
咁邊行先o岩呢?
第一又四分三行呀?
呢次就好Harry Potter!!

有機會可以去兼職賣下飛都應該相當好笑~~
哈哈哈哈!!