求救

小弟在聖誕大派對上抽到一部國產GPRS電話，得物無所用，請問有冇人知可以點樣以一個合理錢放番佢出市面呢？
謝

灣仔，車友勿近！

世貿開會，搞到成個灣仔好似死城咁。

本來都冇打算要係呢個咁敏感時候過去灣仔呢個麻煩之地，但遇著有個朋友係APA睇完戲而我又要拎一盞新買o既燈俾佢，咁咪騎銀鯊過去，順道同朋友食d野囉。

諗住夜晚冇會開，而且又唔係去灣仔北就實冇事啦。

點知一去到盧押道（即係修頓球場對面）o既電單車位，小喇叭！封晒唔俾泊，再番兜入去謝斐道，一如所料，封埋！！仲要唔止封一日半日，由十號封到二十號，問你死未！

見到有車唔理封位照泊，我都係免麻煩，周街都係差佬，真係搏唔見三百二咩！終於將盞燈交o左俾朋友之後，野都冇食就原車折返港島東。

各位有車o既朋友，世貿期間切忌走入灣仔鬼城，唔係真係麻鬼煩。

收集祝福

實不相瞞，今天是我的生日。

一直以來都不甚重視自己的生日，因為我認為「生日」中最應備受重視的，其實是我的父母，沒有他們，便不會有我。

感激爸媽將我帶到這個世上，還廿七年來無微不至的照料與關懷。有著這一個家，我真的十分十分幸福！！

生日過後，又是一個新開始。若大家在這幾天路經此地，可否給我一個簡單的祝福？這會令我充滿力量，繼續上路。

若不想在此地留言，也可send email給我！

在此亦想將祝福送給與我同一天生日的安格斯~~

多謝大家！